اسلام آباد(آن لائن)سابق پولیس ملازم عابد باکسر نے کہا ہے کہ شہباز شریف ان کے ماموں کی جائیداد ہتھیانا چاہتے تھےٗ مجھے بے شمار مقدمات میں ملوث کیا گیا، چیف جسٹس جے آئی ٹی بنائیں،تمام ثبوت دوں گا۔ نجی ٹی وی کے پروگرام میں گفتگو کرتے ہوئے

عابد باکسر نے کہا کہ میں کبھی بھی SHOگلبرگ نہیں رہا شہباز شریف جھوٹ بولتے ہیں میں ایس ایچ او فیکٹری ایریا تھا شہباز شریف نے مجھے معطل کیا اور ان کی حکومت ختم ہوتے ہی میں بحال ہوا۔ اس کے بعد حمزہ شہباز کا ایک لیٹر آیا جس نے میری گرفتاری کا کہا پھر فواد حسن فواد نے مجھے نظر بند کر دیاور میرے خلاف جے آئی ٹی شروع کر دی گئی جس میں تمام اندھے قتل کے مقدمات میں مجھے نامزد کر دیا گیا۔ انہوں نے کہا کہ شہباز شریف میرے ماموں کی ملکیت باغ بچہ لینا چاہ رہے ہیں میرے ماموں کے بیرون ملک جانے کے بعد مجھے گرفتار کر لیا گیا اور 12اکتوبر کو اخبارات میں آیا کہ عابد باکسر کو مارنے کا منصوبہ بن چکا تھا مگر حکومت ختم ہو گئی ۔ الیکشن میں ایک ایم پی اے کے قتل کے بعد مجھے نامزد کیا گیا میں بیرون ملک گیا تو میرے خلاف کئی اور مقدمات بنائے گئے چیف جسٹس میرے مقدمات کے لئے بھی جے آئی ٹی بنائیں۔(علی )