گجرات (آئی این پی )مسلم لیگ ق کے مرکزی رہنما چوہدری پرویز الٰہی نے کہا ہے کہ نوازشریف کا صرف نام شریف ہے ،انہوں نے اب تک کوئی بھی کام شریفوں والا نہیں کیا ہے۔ پیر کواین اے 69 گجرات میں ق لیگ اور پی ٹی آئی کے مشترکہ جلسے سے خطاب میں پرویز الہی نے کہا کہ عوام 25 جولائی کو سوچ سمجھ کر ووٹ کاسٹ کریں ، کسی ایسے شخص کو ووٹ نہ دیں

جو آپ اور آپ کیبچوں کا مستقبل تباہ کردے۔ انہوں نے مزید کہا کہ نواز شریف جیل سیبھی بیان دے رہے ہیں اور قومی اداروں پر بات کررہے ہیں۔پرویز الہیٰ نے یہ بھی کہا کہ ق لیگ کے دوران میں انڈسٹریاں لگیں جس سے لوگوں کو روزگار ملا، ن لیگ نے ایک انڈسٹری نہیں لگائی۔ان کا کہناتھاکہ وقت کی کمی کے باعث انتخابی مہم ٹھیک نہیں چل سکی، ن لیگ جعلی پولیس مقابلوں کی بانی ہے۔