اسلام آباد( آئی این پی ) سینیٹ اجلاس کے دوران سینیٹر پرویز رشید نے نگران وزیر اطلاعات کی تقریر کے دوران واک آؤٹ کر دیا جبکہ چیئرمین سینیٹ نے نگران وزیر اطلاعات کی تقریر کے دوران کھڑے ہو کر بولنے پر میاں رضا ربانی کو جھڑک دیا ، اجلاس کے دوران میاں رضا ربانی اور سینیٹر میاں عتیق شیخ کے درمیان تلخ جملوں کا بھی تبادلہ ہوا ۔ہفتہ کو سینیٹ اجلاس میں نگران وزیر اطلاعات علی ظفرکی جانب سے ا نتخابات کے ضابطہ اخلاق پر بات کر نے کے دوران پرویز رشید اپنی

نشست سے اٹھ کھڑے ہوئے۔ انہوں نے کہا کہ میں یہ ضابطہ اخلاق نہیں سننا چاہتا ، یہ بتایا جائے کہ اس پر عمل کیا کیا جا رہا ہے؟سینیٹر پرویز رشید نگران وزیر اطلاعات کی تقریر کے دوران اجلاس سے واک آؤٹ کر گئے ، اس دوران سینیٹر میاں رضاربانی بھی کھڑے ہوکر بولنے کی کوشش کر تے رہے ، جس میں چیئرمین سینیٹ محمد صادق سنجرانی نے انہیں جھڑک دیا اورکہا کہ آپ بیٹھ جائیں، اجلاس کے دوران میاں رضا ربانی اور سینیٹر میاں عتیق شیخ کے درمیان تلخ جملوں کا بھی تبادلہ ہوا ۔)