اسلام آباد(مانیٹرنگ ڈیسک)سرگودھا میں ووٹ لینے کیلئے ن لیگی نمائندوں نے تشدد کا راستہ اختیار کرلیا۔ نجی ٹی وی کے مطابق سرگودھا میں ووٹ دینے سے انکار پرشہری کی انگلی ہی کاٹ دی گئی ،قومی اسمبلی کے حلقہ این اے 89پر ن لیگ کے امیدوار محسن شاہ نواز رانجھا کے حمایتی یوسی چیئرمین نے تالے والا میں ووٹ دینے سے انکار پر شہری کی انگلی کاٹ ڈالی۔متاثر ہ شہری نعیم نے بتایا کہ ن لیگ کے امیدوار محسن شاہ نواز رانجھا کے
حمایتی یوسی چیئرمین اپنے ساتھیوں سمیت ہمارے گھر میں داخل ہوگیا اور ہم پر تشدد کیا ،ہمارے گھر کا راستہ بھی بند گیا،میری انگلی بھی کاٹ دی ۔متاثرین درخواست لیکر مقامی تھانے لکسیاں پہنچ گئے جہاں پولیس نے ملزموں کیخلاف ابتدائی رپورٹ درج کرلی،نعیم کے والد نے میڈیا سے گفتگو کرتے ہوئے بتایا کہ یوسی چیئرمین تصدق شاہ کو پوسٹر لگانے پر شدید رنج تھا اور کہا اگر دوسری پارٹی کو ووٹ دیا تو سنگین نتائج بھگتنا ہونگے۔
