سیالکوٹ(نیوز ڈیسک)جعلی پیر دم کرنے کے بہانے گھر میں موجود اہل خانہ کو دودھ میں نشہ آور چیز ملا کر بے ہوش کر کے گھرکا صفایا کر گیا ، تین کی حالت غیر ،تشویشناک حالت میں ڈسٹرکٹ ہسپتال منتقل ۔تفصیلات کے مطابق سمبڑیال کے محلہ رسول پورہ میں افتخاراحمد کے گھر نامعلوم جعلی پیر نے اہل خانہ کو کہا کہ میں گھر کے حالات ،ذہنی پریشانی ،کاروبار میں بہتری کے لیے دم درود
کرتا ہو ں اہل خانہ اس کے سبز باغ دکھانے سے مطمئن ہوگئے اوردم کے لیے دودھ منگوایا اور اس میں نشہ آور چیز ملا کر گھر میں موجود اہل خانہ کو پلا یا دودھ پیتے ہی گھر میں موجود تین افراد دوخواتین نذیراں بی بی ،مافیہ اورثنا ء اللہ بے ہوش ہوگئے جس کے بعد جعلی پیر گھر میں موجود طلائی زیورات نقدی لے کر فرار ہوگیا ،متاثرہ افراد کو ڈسٹرکٹ ہسپتال منتقل کردیا گیا ہے۔
