راولپنڈی (مانیٹرنگ ڈیسک) مسلم لیگ (ن) کے ناراض رہنما چوہدری نثار علی خان نے بھی اپنی انتخابی مہم کا آغاز کر دیا ہے، انہوں نے حلقہ پی پی 10 میں اپنے پہلے انتخابی جلسہ سے خطاب کرتے ہوئے کہا کہ آپ میرے حلقے کے ترقیاتی کاموں کا موازنہ شہباز شریف کے حلقے سے کرلیں، میاں نواز شریف کے حلقے سے کر لیں، بلاول بھٹو زرداری کے حلقے سے کر لیں، میرے حلقے میں ترقیاتی کام ان سے کم نہیں ہوں گے،
کوئی ٹکٹ کے ساتھ آئے یا ٹکٹ کے بغیر الیکشن میں نامراد ہو کر لوٹے گا، چوہدری نثار نے کہا کہ الیکشن سے قبل پی پی 10 کے عوام نے فیصلہ سنا دیا ہے، انہوں نے کہا کہ سیاسی کوڑا کرکٹ کی ٹیم میرے مدمقابل آنے والی ہے، الیکشن کے وقت بہت سے کھلاڑی آستین چڑھا کر آ جاتے ہیں، عوام میرے مخالفین کا بستر گول کر دیں گے۔ چونترہ میں بھی میرا جلسہ کامیاب رہا، چکری میں جلسوں کا رواج نہیں ہے، کارکنوں نے میرا حوصلہ بلند کیا، 34 سال میں مجھے بہت عزت ملی ہے، میرا حلقہ دو حصوں میں تقسیم کر دیا گیا لیکن اللہ کا شکر ادا کرتا ہوں کہ ہمیشہ منتخب ہوتا رہا ہوں، میں نے اپنی زندگی میں کبھی کسی سے ڈیل نہیں کی، سیاست ہمیشہ عزت کے لیے کی۔ چوہدری نثار علی خان نے کہا کہ سیاسی لنڈا بازار والے ہر کسی کے ساتھ فٹ ہو جاتے ہیں۔ انہوں نے کہا کہ پی ٹی آئی کا پہلوان بڑے بڑے دعوے کرتا ہے۔ چوہدری نثار نے کہا کہ چند دنوں میں وضاحت کروں گا کہ آزاد کیوں کھڑا ہوا۔ مسلم لیگ (ن) کے ناراض رہنما چوہدری نثار علی خان نے بھی اپنی انتخابی مہم کا آغاز کر دیا ہے، انہوں نے حلقہ پی پی 10 میں اپنے پہلے انتخابی جلسہ سے خطاب کرتے ہوئے کہا کہ آپ میرے حلقے کے ترقیاتی کاموں کا موازنہ شہباز شریف کے حلقے سے کرلیں، میاں نواز شریف کے حلقے سے کر لیں، بلاول بھٹو زرداری کے حلقے سے کر لیں، میرے حلقے میں ترقیاتی کام ان سے کم نہیں ہوں گے
