پشاور (مانیٹرنگ ڈیسک) ایک نجی ٹی وی چینل کی رپورٹ کے مطابق اسسٹنٹ ریذیڈنٹ انجینئر نے چیف سیکرٹری کو اپنے تحفظات سے آگاہ کر دیا ہے، تحفظات کا ازالہ نہ ہونے پر اسسٹنٹ ریذیڈنٹ انجینئر نے استعفیٰ دے دیا ہے۔ کنٹریکٹر نے منصوبے کی تکمیل کیلئے کوئی ٹائم فریم نہیں دیا، اس بڑے منصوبے میں بڑی بے قاعدگی کا انکشاف ہوا ہے،اسسٹنٹ ریذیڈنٹ انجینئر نے اپنےمراسلہ میں کہا ہے کہ اس منصوبے میں نہ صرف کرپشن ہوئی ہے بلکہ میٹریل بھی ناقص استعمال کیا گیا ہے
اور سات پلر ایسے ہیں جو ستون بنائے گئے ہیں وہ کسی بھی وقت منہدم ہو سکتے ہیں اور ان کے منہدم ہونے کی صورت میں کوئی بھی بڑا سانحہ ہو سکتا ہے، اس حوالے سے انہوں نے اپنے تحفظات پر مبنی رپورٹ بھجوائی تھی لیکن ابھی تک ان کا ازالہ نہیں ہوا، جس پر انہوں نے چیف سیکرٹری کو اپنے تحفظات سے آگاہ کیا ہے اور کہا ہے کہ اس کام کو سرانجام دینے والوں کو اس کام کا تجربہ نہیں ہے، بھاری معاوضہ لیا جا رہا ہے لیکن وہ معاوضہ کہاں جا رہا ہے اس کا حساب کتاب ہونا چاہیے۔
