لاہور(نیوزڈیسک)ڈیڈ لائن سر پر آگئی، ن لیگ کے ٹکٹ کے خواہشمند کتنے نکلے ؟ حیرت انگیز صورتحال، اعلیٰ قیادت نے بڑا قدم اُٹھالیا، پاکستان مسلم لیگ (ن) نے آئندہ عام انتخابات میں ٹکٹ کے خواہشمند امیدواروں سے درخواستوں کی وصولی کی تاریخ میں توسیع کردی ۔

مسلم لیگ (ن) کی جانب سے امیدواروں سے 25مئی تک درخواستیں مانگی گئی تھیں تاہم خواہشمند امیدواروں کی تعداد زیادہ نہ ہونے کے باعث تاریخ میں 31مئی تک توسیع کر دی گئی ہے۔(ن) لیگ سیکرٹریٹ کے ذرائع کے مطابق اب تک قومی اور صوبائی اسمبلی کے حلقوں سے انتخاب لڑنے کے خواہشمند سینکڑوں امیدوار درخواستیں جمع کرا چکے ہیں لیکن پھر بھی توقعات سے کم امیدواروں نے ٹکٹ کے لئے درخواستیں دی ہیں لہذا موزوں امیدواروں کی تلاش کیلئے تاریخ میں مزید توسیع کردی گئی ہے۔ذرائع کا کہنا ہے کہ ختم نبوت کے معاملے پر قانون سازی اور نوازشریف کے ممبئی حملوں کے بیانات کی وجہ سے ن لیگ کو شدید نقصان پہنچا ہے جس کی وجہ سے بڑی تعداد نے ن لیگ چھوڑ کردیگر سیاسی جماعتوں میں شمولیت اختیار کی ہے اس کے علاوہ ن لیگ کے بہت سے رہنما ایسے بھی ہیں جو کسی دوسری سیاسی جماعت میں شمولیت تو نہیں اختیارکررہے لیکن ان کا اصرارہے کہ وہ آزاد حیثیت سے انتخاب میں حصہ لیں گے اور ن لیگ کا پلیٹ فارم استعمال نہیں کرنا چاہتے۔