اسلام آباد (نیوز ڈیسک) تحریک انصاف کے رہنما نعیم الحق نے گزشتہ رات ایک ٹی وی پروگرام میں دانیال عزیز کو تھپڑ دے مارا، تھپڑ مارنے کا یہ واقعہ سوشل میڈیا پر زیر بحث ہے اور سابق وزیراعظم میاں محمد نواز شریف نے اس واقعہ کا ذمہ دار عمران خان کو قرار دیا ہے، سماجی رابطے کی ویب سائٹ ٹوئیٹر پر تحریک انصاف کے رہنما نعیم الحق نے گذشتہ رات پیش آنے والے واقعے کے حوالے سے اپنے ٹویٹ میں کہا کہ اگرچہ بدقسمتی سے یہ ان کا بلا سوچے سمجھے فوری ردعمل تھا مگر دانیال عزیز

کی پی ٹی آئی قیادت کے بارے میں بدکلامی اور ان کا پاکستان فوج پر حملہ مایوس کن، ناقابل قبول اور قابل مذمت ہے۔ انہوں نے اپنے ٹوئیٹر پیغام میں کہا کہ مجھے امید ہے کہ وہ اپنی اصلاح کریں گے اور بات کو توڑ موڑ کر پیش کرنا بند کر دیں گے۔ سوشل میڈیا پر بھی اس تھپڑ والے واقعہ پر بحث کا سلسلہ جاری ہے کچھ لوگ نعیم الحق کے اس فعل کو تنقید کا نشانہ بنا رہے ہیں اور کوئی اس عمل پر ان کا دفاع کر رہے ہیں، اس وقت ٹوئیٹر پر ہیش ٹیگ ’’پی ٹی آئی کے لوفر‘‘ ٹاپ ٹرینڈز میں شامل ہے۔

موضوعات:نعیم الحق