لاہور (آئی این پی) وزیراعلیٰ پنجاب شہباز شریف نے کہا ہے کہ بھارت شہری آبادی کو نشانہ بنا کر انسانی حقوق کی مسلسل خلاف ورزی کررہا ہے‘ مودی سرکار خطے کے امن کے لئے خطرہ بن چکی ہے‘ بھارتی فوج کی جانب سے شہری آبادی کو نشانہ بنانا بزدلانہ اقدام اور قابل مذمت فعل ہے۔ بدھ کو شہباز شریف نے ورکنگ باؤنڈری پر بھارتی فوج کی بلا اشتعال فائرنگ کی شدید مذمت کی۔شہباز شریف نے پاک فوج کے شہید حوالدار شاہد کو خراج عقیدت اور زخمی افراد کو علاج معالجے
کی بہترین سہولتوں کی فراہمی کی ہدایت کرتے ہوئے کہا کہ بھارتی فوج کی جانب سے شہری آبادی کو نشانہ بنانا بزدلانہ اقدام اور قابل مذمت فعل ہے۔ بھارت شہری آبادی کو نشانہ بنا کر انسانی حقوق کی مسلسل خلاف ورزی کررہا ہے۔ پاک فوج بھارتی فوج کی ہر اشتعال انگیزی کا بھرپور اور موثر جواب دے رہی ہے۔ پوری قوم اپنی بہادر افواج کے ساتھ سیسہ پلائی دیوار کی طرح کھڑی ہے۔ بھارت کسی غلط فہمی میں نہ رہے مودی سرکار خطے کے امن کے لئے خطرہ بن چکی ہے۔
