اسلام آباد(مانیٹرنگ ڈیسک) جرم کی نشاندہی کرنے والے صحافی کو مجرم بنا دیا گیا، لیگی ایم پی اے پارٹی کے خلاف خبر چلانے پر صحافی کا دشمن بن گیا، عرصہ حیات تنگ کر کے رکھ دیا گیا،غریب صحافی پر پے درپے پرچے کروا دئیے گئے۔ تفصیلات کے مطابق سوشل میڈیا پر گردش کرتی ایک ویڈیو نے مسلم لیگ ن کا اصل چہرہ بے نقاب کر دیا ہے ۔ ویڈیو میں دیکھا جا سکتا ہے کہ
ایک شخص جو اپنا تعارف امجد علی بھٹی کے نام سے کراتے ہوئے بتا رہا ہے کہ وہ ہ کالا شاہ کاکو سے ایکسپریس نیوز اور این این آئی کا رپورٹر ہےاور یہاں کے مقامی ایم پی اے خرم اعجاز چٹھہ نے اس پر پے درپے پرچے کروا کر اس کا جینا حرام کر رکھا ہے۔ اس کا جرم صرف یہ ہے کہ اس نے مسلم لیگ ن کے خلاف خبر چلائی تھی۔ امجد علی بھٹی بتاتا ہے کہ شتہ ڈیڑھ سال سے اس کا جینا حرام کیا جاچکا ہے، گوجرانوالہ کے تھانوں میں اس پر ایک کے بعد ایک پرچہ درج کیا جارہا ہے ۔ ’ایم پی اے خرم اعجاز چٹھہ کی پارٹی کے خلاف میں نے خبریں چلائی تھیں جس کے جرم کی سزا دی جارہی ہے، روبن نسیم نام کا بندہ انہوںنے ساتھ ملایا ہوا ہے اور وہ جہاں بھی جاتا ہے میرا نام کسی پرچے میں شامل کرادیتا ہے۔امجد علی بھٹی نے بتایا کہ اس کے اوپر 8 پرچے ہوچکے ہیں جن میں سے 2 ڈکیتی اور 6 چوری کے ہیں، پولیس والے ہر روز اسے اٹھا کر لے جاتے ہیں ، تاحال کسی بھی پرچے میں اس سے کچھ بھی برآمد نہیں ہوسکا۔ امجد بھٹی نے روتے ہوئے اپیل کی ’میرے 6 بچے ہیں ، 3 بیٹیاں ہیں اور تین بیٹے ہیں ، اللہ کا واسطہ ہے میری مدد کی جائے۔مجھے ایم پی اے خرم اعجاز چٹھہ کے ظلم سے نجات دلوائی جائے۔ واضح رہے کہ اس حوالے سے جب مختلف میڈیا نمائندوں کی جانب سے خرم اعجاز چٹھہ سے رابطہ کرنے کی کوشش کی گئی تو رابطہ نہ ہو سکا۔
