لاہور (نیوز ڈیسک)وفاقی وزیر داخلہ احسن اقبال اور پیمرا کے خلاف لاہور ہائیکورٹ میں توہین عدالت کی درخواست دائر کر دی گئی۔ لاہور ہائیکورٹ میں دائر درخواست میں موقف اختیار کیا گیا ہے کہ وزیرِ داخلہ احسن اقبال نے عدلیہ کے خلاف نازیبا الفاظ استعمال کیے۔ درخواست گزار نے
نکتہ اٹھایا کہ عدالتی حکم کے باجود احسن اقبال کی عدلیہ مخالف تقریر میڈیا پر نشر کی گئی۔ پیمرا احسن اقبال کی عدلیہ مخالف تقریر کی نشریات روکنے میں ناکام رہا ہے۔درخواست گزار نے عدالت سے استدعا کی کہ عدالت چیئرمین پیمرا اور احسن اقبال کے خلاف توہین عدالت کی کارروائی کرے۔
