لاہور، فیصل آباد ( آن لائن ) چیئرمین تحریک انصاف عمران خان نے کہا ہے کہ میں قوم کے بچوں کے حقوق کی جنگ لڑ رہا ہوں۔اتوار کو لاہور میں مینار پاکستان پر جلسے سے قبل اپنے ایک بیان میں انہوں نے کہا میں آج قوم سے عہد کرتا ہوں کہ ان کے دیئے گئے ٹیکس کا ایک بھی پیسہ چوری نہیں ہونے دوں گا، انہوں نے کہا کہ قوم کو مجھ سے عہد کرنا ہوگا کہ وہ اس جنگ میں میرے ساتھ کھڑی ہوگی۔ دریں اثنا ء پاکستان تحریک انصاف کے لاہور جلسے میں شرکت

کرنے والی بس کار سے ٹکرا کر کھائی میں گرنے کے نتیجے میں 10 کارکنان زخمی ہوگئے۔ تفصیلات کے مطابق پاکستان تحریک انصاف نے اتوار کو لاہور میں مینار پاکستان پر پنڈال سجا یا اور پنجاب بھر سے قافلے مینارِ پاکستان کے سائے تلے جمع ہوئے ۔ فیصل آباد سے بھی مرکزی ڈپٹی سیکرٹری جنرل میاں فرخ حبیب کی قیادت میں آنے والے قافلے میں شامل بس حادثے کا شکار ہوگئی جس کے نتیجے میں فرخ حبیب سمیت 10 کارکنان بری طرح زخمی ہوگئے۔

موضوعات:عمران خان