اسلام آباد (مانیٹرنگ ڈیسک) میری بہن نے سینٹ الیکشن میں 8کروڑ روپے میں ووٹ فروخت کیا،پی ٹی آئی کے 14ممبر ان صوبائی اسمبلی نے ووٹ فروخت کئے، سینیٹ انتخابات سے چندروز قبل میں نے خود عمران خان اور صوبائی وزیر اعلیٰ پرویز خٹک سے ملاقات کی اور ان کو مطلع کیا کہ میری بہن سمیت دیگر ارکان بھی سینیٹ کے الیکشن میں اپنا ووٹ فروخت کر نے والے ہیں

لیکن انھوں نے میری بات پر یقین نہیں کیا، پی ٹی آئی کے ممبران اسمبلی کرپشن میں ملوث ہیںاور نوکریاں بھی فروخت کر رہے ہیں، ضلع ملاکنڈ میں میری بہن نگینہ خان نے بھی محکمہ پبلک ہیلتھ میں بھرتیوں پر پیسے وصول کیے، پی ٹی آئی کی رکن صوبائی اسمبلی نگینہ خان کے بھائی آیان خان نے تہلکہ خیز انکشافات کر ڈالے، خیبرپختونخواہ حکومت کا بڑا سکینڈل سامنے آگیا۔ تفصیلات کے مطابق پاکستان تحریک انصاف کی رکن صوبائی اسمبلی نگینہ خان کے بھائی آیان خان نے چکدرہ پریس کلب لوئر دیر میں پریس کانفرنس سے خطاب کرتے ہوئے خیبرپختونخواہ حکومت کے بڑے سکینڈل کا انکشاف کرتے ہوئے کہا کہ سینٹ الیکشن میںمیری بہن ایم پی اے نگینہ خان سمیت 14ممبران صوبائی اسمبلی نے اپنا ووٹ فروخت کیا۔ عمران خان اور وزیراعلیٰ پرویز خٹک کو سینٹ الیکشن سے قبل ملاقات کر کے بتا دیا تھا مگر انہوں نے میری بات پر یقین نہیں کیا۔ آیان خان کا کہنا تھا کہ پی ٹی آئی کے ممبران اسمبلی کرپشن میں ملوث ہیںاور نوکریاں بھی فروخت کر رہے ہیں، ضلع ملاکنڈ میں میری بہن نگینہ خان نے بھی محکمہ پبلک ہیلتھ میں بھرتیوں پر پیسے وصول کیےہیں۔ پریس کانفرنس میں تہلکہ خیز انکشافات کرتے ہوئے آیان خان کا کہنا تھا کہ ن کی بہن نگینہ خان ایم پی اے نے سینیٹ کے حالیہ الیکشن میں اپنا ووٹ8 کروڑ روپے میں فروخت کر کے پارٹی کو نقصان پہنچا یا۔

انھوں نے کہا کہ سینیٹ انتخابات سے چندروز قبل میں نے خود عمران خان اور صوبائی وزیر اعلیٰ پرویز خٹک سے ملاقات کی اور ان کو مطلع کیا کہ میری بہن سمیت دیگر ارکان بھی سینیٹ کے الیکشن میں اپنا ووٹ فروخت کر نے والے ہیں لیکن انھوں نے میری بات پر یقین نہیں کیا۔ آیان خان نے کہاکہ اب ثابت ہوگیا ہے کہ میری بہن سمیت پی ٹی آئی کے 14 ممبران اسمبلی نے ووٹ فروخت کیے ہیں۔

انہوں نے دعویٰ کیا کہ پی ٹی آئی کے ممبران اسمبلی کرپشن میں ملوث ہیںاور نوکریاں بھی فروخت کر رہے ہیں، ضلع ملاکنڈ میں میری بہن نگینہ خان نے بھی محکمہ پبلک ہیلتھ میں بھرتیوں پر پیسے وصول کیے ہیں۔ آیان خان نے چیف جسٹس سپریم کورٹ صوبہ میں جاری بے قاعدگیوں اور انتظامی افسران کی کرپشن کے خلاف کارروائی کی اپیل بھی کی ہے۔