اسلام آباد (آن لائن) حکمران جماعت مسلم لیگ (ن) کے وزراء اور ممبران اسمبلی کی پی ٹی آئی میں شمولیت کے پیش نظر تحریک انصاف کے پارلیمانی ٹکٹوں کی تقسیم کا عمل فی الوقت موخر کردیا گیا۔ جلد دوبارہ نئی تاریخ کا اعلان ہوگا۔ ذمہ دار ذرائع نے بتایا کہ پاکستان تحریک انصاف میں حکمران جماعت مسلم لیگ (ن) کے اہم وزراء ممبران اسمبلی اور سابق وزراء کی پی ٹی آئی میں شمولیت اختیار کررہے ہیں جس کے باعث پارلیمانی ٹکٹوں کی تقسیم اور فائنل امیدواروں کے ناموں کی لسٹ جاری کرنے

کا عمل روک دیا گیا ہے۔ یہ بھی معلوم ہوا ہے کہ پی ٹی آئی کے چیئرمین عمران خان سے حکمران جماعت مسلم لیگ ن کے وزراء سمیت اہم شخصیات رابطے میں ہیں اور وہ پی ٹی آئی میں شمولیت اختیار کرناچاہتے ہیں۔ جس کا وہ باضابطہ اعلان کرنا چاہتے ہیں جس کے باعث پارلیمانی ٹکٹوں کی تقسیم کے حوالے سے امیدواروں کو فائنل کرنے کا عمل روک دیا گیا ہے ۔ ذرائع نے اس بات کی تصدیق کی ہے کہ چاروں صوبوں سے مسلم لیگ (ن) ‘ پیپلزپارٹی ‘ جے یو آئی سمیت دیگر جماعتوں کی اہم شخصیات پی ٹی آئی میں شمولیت اختیار کرنے جارہی ہے ۔ حکمران جماعت مسلم لیگ (ن) کے اہم وزراء اور ممبران اسمبلی ترقیاتی فنڈز ملنے کے بعد پاکستان تحریک انصاف میں شمولیت کا اعلان کریں گے۔دریں اثناء پی ٹی آئی کی بھکر سے مسلم لیگ ن کی کئی وکٹیں گرانے کے لئے سیاسی شخصیات سے رابطہ عمران خان کی مسلم لیگ ن کے بھکر سے اتحادی دھڑے کے رہنماء سے کئی گھنٹے کی ملاقات اہم پیش رفت بلدیاتی الیکشن کی طرح عام انتخابات میں مسلم لیگ ن کے خلاف امیدواروں کی سیاسی پوزیشن مظبوط ہوجائے گی تفصیلات کے مطابق ضلع بھکر سے مسلم لیگ ن کے ایک مظبوط علاقائی دھڑے سے تعلق رکھنے والے سابق صوبائی وزیرکی گذشتہ دنوں تحریک انصاف کے چیئرمین عمران خان سے کئے گھنٹے ملاقات ہوئی جس میں عمران خان نے اس گروپ کو پی ٹی آئی میں شمولیت کی دعوت دی

اور آئندہ انتخابات میں ضلع کے تمام حلقوں سے پارٹی ٹکٹ دینے کی آفر کی ہونے والی اس ملاقات میں اصولی فیصلہ کرلیا گیا ہے بھکر سے تعلق رکھنے والی سیاسی شخصیت نے عمران خان سے ملاقات کی تصدیق کی ہے پر تاحال شمولیت کے فیصلہ کی تائید نہیں کی ہے بھکر کا یہ سیاسی دھڑا پی آئی ٹی میں چلا جاتا ہے تو آئندہ الیکشن میں مسلم لیگ ن کو یہاں سے سخت ترین مقابلہ کا سامنا کرنا ہوگا کیونکہ بلدیاتی الیکشن میں شیر اس علاقائی دھڑے سے بری طرح شکست سے دوچار ہوا تھا اس گروپ میں سے

ایک ایم پی اے اس وقت مسلم لیگ ن میں شامل ہیں 2002کے الیکشن میں اس سیاسی دھڑا نے چوہدری شجاعت کو ایم این اے بنوایا 2008کے الیکشن میں آزاد الیکشن لڑ کر کامیاب ہوئے اور مسلم لیگ ن میں شامل ہو گئے ضمنی الیکشن میں میاں شہباز شریف کو بلامقابلہ ایم پی اے بنوایا ،بلدیاتی الیکشن میں ضلع کونسل میں واضح کامیابی حاصل کی لیکن مسلم لیگ ن کے ٹکٹ پر الیکشن نہیں لڑانئی ضلع کی حلقہ بندی سے

اس سیاسی دھڑے کی سیاسی پوزیشن اور بھی مضبوط ہوگئی آئندہ عام انتخابات کے جوڑتوڑ اور رابطوں میں شدت آتے ہی پی پی پی کی قیادت بھی مسلسل رابطہ کررہی ہے ذرائع نے بتایا ہے کہ وفاق اور پنجاب کی پی ٹی آئی سے وابستہ شخصیات بھی اس دھڑا سے رابطہ میں ہیں اور اس سلسلہ میں چیئرمین پی ٹی آئی عمران خان سے اس دھڑے کے سابق صوبائی وزیر کی ملاقات کڑی ہے۔