ایبٹ آباد (نیوز ڈیسک) تحریک انصاف کے چیئرمین عمران خان نے ممبر سازی مہم کے دوران ایبٹ آباد میں ایک جلسے سے خطاب کرتے ہوئے کہا کہ میاں نواز شریف اور آصف علی زرداری اپنے دور حکومت میں اربوں روپے لوٹ کر پاکستان سے باہر لے گئے اور اس وجہ سے پاکستانی شہریوں کے لیے تعلیم کا فقدان، بے روزگاری اور ہسپتالوں میں سہولیات نہ ہونے کی وجہ سے مسائل پیدا ہوئے، جب عمران خان جلسے سے خطاب کر رہے تھے تو کارکنوں نے ڈیزل ڈیزل کے نعرے لگائے تو اس موقع پر تحریک انصاف

کے چیئرمین عمران خان نے کہا کہ عوام میں بڑا شعور آ گیا ہے، انہوں نے کہا کہ شروع شروع میں جب میں نے مولانا فضل الرحمان کو ڈیزل کہنا شروع کیا تو لوگوں نے مجھے کہا کہ آپ یہ بات نہ کریں کیونکہ یہ بات کرنے سے مولانا فضل الرحمان آپ پر کفر کا فتویٰ لگا سکتے ہیں، پھر اس وقت مولانا فضل الرحمان نے مجھے یہودی لابی کا ایجنٹ قرار دیا، عمران خان نے کہا کہ اس ملک میں مولانا فضل الرحمان،آصف علی زرداری اور میاں نواز شریف کے ہوتے ہوئے یہودی لابی کی سازش کی ضرورت نہیں ہے۔