اسلام آباد (مانیٹرنگ ڈیسک) تحریک انصاف کے چیئرمین عمران خان کینسر کے علاج کے لیے بنائے گئے شوکت خانم ہسپتال کے لیے اکثر فنڈ اکٹھا کرنے کے لیے مہم چلاتے رہتے ہیں اور اس سلسلے میں وہ تقریبات بھی منعقد کرتے ہیں جس میں لوگ انہوں نے شوکت خانم ہسپتال کے لیے عطیات فراہم کرتے ہیں، اس حوالے سے خواتین اپنا زیور تک عمران خان کے حوالے کر دیتی ہیں جس کا تذکرہ عمران خان کئی بار کر چکے ہیں عمران خان کا ہسپتال کے بارے میں کہنا ہے کہ شوکت خانم ہسپتال کے پیچھے بہت
سے لوگوں کی دعائیں اور محنت کارفرما ہے۔ ایسی ہی ایک فنڈ ریزنگ تقریب کا انعقاد کیا گیا جس میں ایک نابینا لڑکی نے بھی شرکت کی، اس نابینا لڑکی نے جمع کی گئی رقم عمران خان کے حوالے کی اور ان سے درخواست کی کہ وہ شہباز شریف اور جن جن لوگوں نے ختم نبوت قانون میں ترمیم کی ان سب کو سزا دلائیں، اس موقع پر تحریک انصاف کے چیئرمین عمران خان نے اس بچی کے سر پر پیار سے ہاتھ پھیرا اور کہا کہ ختم نبوت قانون میں ترمیم کرنے والوں کے خلاف کارروائی کی جائے گی۔
