کراچی (این این آئی)جناح اسپتال سے گرفتار جعلی لیڈی ڈاکٹر سے متعلق پولیس کی جانب سے اہم انکشافات سامنے آئے ہیں۔ جعلی ڈاکٹر دو سال سے سوشل میڈیا پر کلینک چلا رہی تھی، ملزمہ کے ایک معروف گائناکالوجسٹ سمیت کئی ڈاکٹرزسے گہراتعلق ہے۔تفصیلات کے مطابق جناح اسپتال کراچی سے گرفتار جعلی لیڈی ڈاکٹر سے متعلق پولیس کے اہم انکشافات سامنے آئے ہیں، پولیس ذرائع کے مطابق جعلی ڈاکٹر2سال سی سوشل میڈیا پرکلینک چلارہی تھی، ملزمہ کے

ایک معروف گائناکالوجسٹ سمیت کئی ڈاکٹرزسے گہراتعلق ہے، ملزمہ سے برآمد3میں سے2موبائل فون کافرانزک ٹیسٹ کیا جارہا ہے، تفتیشی افسر کے مطابق جعلسازخاتون ڈاکٹرزکومیسج کرکے بیماریاں بتاتی تھی، ڈاکٹرز اسے نسخہ بتادیتے تھے جس کے بعد ملزمہ نسخے مریضوں کو میسج کر دیتی تھی، ڈاکٹر ثمرین،اسٹاف افسر اور سیکیورٹی اہلکار کو بیان ریکارڈ کیلئے نوٹس بھیجا گیا تھا۔طلبی کے باوجود لیڈی ڈاکٹرسمیت3 ملازمین بیان دینے وومن تھانے نہیں آئے۔