کراچی (این این آئی)جوڈیشل مجسٹریٹ وسطی نے محبت کا جھانسہ دے کر کالج کی لڑکیوں کو اجتماعی زیادتی کا نشانہ بنانے والے 4 ملزمان کو غیر قانونی اسلحہ رکھنے کے مقدمے میں 26 مارچ تک عدالتی تحویل میں جیل روانہ کردیا۔جمعہ کو جوڈیشل مجسٹریٹ وسطی نے محبت کا جھانسہ دے کر کالج کی لڑکیوں کو اجتماعی زیادتی کا نشانہ بنانے والے 4 ملزمان دانیال احمد عرف مگسی، آفاق احمد، اسد خان نیازالی اور غفران کو پیش کیا۔
تفتیشی افسر نے عدالت کو بتایا کہ ملزمان لڑکیوں کو محبت کا جھانسہ دے کر فارم ہاؤسز پر لے جاکر زیادتی کا نشانہ بناتے تھے۔تفتیشی افسر نے عدالت کو ملزمان کے جرائم سے متعلق متعدد ویڈیوز کے حصول سے بھی اگاہ کرتے کہا کہ ملزمان کے سوشل میڈیا اکاونٹس پر اسلحے سے لیس تصاویر موجود ہیں۔عدالت نے گرفتار چاروں ملزمان کو غیرقانونی اسلحہ رکھنے پر عدالتی تحویل میں جیل روانہ کردیا۔واضح رہے کہ ملزمان کے خلاف تھانہ سمن آباد میں درج ہے۔
