اسلام آباد(مانیٹرنگ ڈیسک) سی پیک گیم چینجر ثابت ، سی پیک کے ثمرات آنا شروع ہوگئے، پاکستان 2030 تک دنیا کی بڑی معیشتوں میں شامل ہوجائے گا،پاکستانیوں کو بڑی خوشخبری سنا دی گئی۔ تفصیلات کے مطابق پاک چین اقتصادی راہداری خطے میں گیم چینجر ثابت ہو گئی ہے اور اس حوالے سے ڈپٹی چیئرمین پلاننگ کمیشن سرتاج عزیز نے پاکستانی قوم کوخوشخبری سناتے ہوئے بتایا کہ سی پیک کے ثمرات آنا
شروع ہو چکے ہیں اور جلد پاکستان دنیا کی مظبوط ترین معیشتوں میں شامل ہو گا۔سرتاج عزیز پاکستان سرمایہ کاری ایکسپو سے خطاب کر رہے تھے ۔اس دوران انکا کہنا تھا کہ سی پیک کے ثمرات حاصل ہونا شروع ہوگئے ہیں،پاکستان 2030 تک دنیا کی بڑی معیشتوں میں شامل ہوگا۔سی پیک کسی ملک کے خلاف نہیں‘ یہ ترقی اور امن کا منصوبہ ہے۔ پاکستان جنوبی ایشیاءکا اہم ملک ہے سی پیک سے ملک میں مزید ترقی آرہی ہے۔
