اسلام آباد (مانیٹرنگ ڈیسک) اپوزیشن کے متفقہ امیدوار چیئرمین سینٹ صادق سنجرانی اور ڈپٹی چیئرمین سلیم مانڈوی والا کامیاب ہو گئے ہیں، پاکستان تحریک انصاف نے صادق سنجرانی کی حمایت کی۔ واضح رہے کہ عمران خان کئی موقع پر یہ اعلان کر چکے ہیں کہ وہ آصف علی زرداری کے امیدوار کی حمایت نہیں کریں گے، مختلف حلقے صادق سنجرانی کو پاکستان پیپلز پارٹی کا امیدوار ہی قرار دیتے ہیں۔ اس موقع پر سینئر صحافی و تجزیہ کار کامران خان نے سماجی رابطے کی ویب سائٹ پر اپنے ٹوئٹ میں کہا کہ کون نہیں
جانتا اس ماہر کی شناخت جس نے عمران، زرداری چوہدری برادران،خا لد، قدوس، کو ایک لڑی میں پرو دیا،اس کار کردگی پر میڈل تو بنتا ہے اگر اس پرفارمنس کو آپ الیکشن 2018 میں بھی دہرائیں۔ سینئر صحافی کی جانب سے اس پیغام کے بعد سوشل میڈیا کے صارفین بھی اس بحث میں شامل ہو گئے اس موقع پر ایک صارف نے کہا کہ پس یہ ثابت ہوا نوازشریف ہی پاکستان میں واحد لیڈر ہے جو اسٹیبلیشمنٹ کے خلاف چلنے کی جرأت رکھتا ہے باقی سب انگلی والے ہیں۔اس طرح مختلف صارفین نے اپنی اپنی رائے کا اظہار کیا۔
