واشنگٹن(آئی این پی )سیکریٹری خارجہ تہمینہ جنجوعہ نے کہا کہ بھارت افغانستان کے راستے پاکستان میں دہشت گردی کررہا ہے،کلبھوشن کی شکل میں بیسیوں ایجنٹس پاکستان میں دہشت گردی کررہے ہیں، امریکا نے یقین دہانی کروائی ہے کہ پاکستان میں بھارتی مداخلت نہیں ہونے دیں گے،پاکستان افغان طالبان کو مذاکرات کی میز پر لانے کیلئے اثرورسوخ نہیں رکھتا، امریکا ہم سے ایسی امید نہ رکھے جسے ہم پورا نہیں کرسکتے۔
افغانستان کا امن پاکستان میں امن کا ضامن ہے،ملا فضل اللہ افغانستان میں پاکستانی سفارت کاروں کے اغوا میں ملوث ہے۔ سیکریٹری خارجہ تہمینہ جنجوعہ نے واشنگٹن میں پاکستانی سفارتخانے میں میڈیا سے گفتگو کرتے ہوئے کہا کہ بھارت افغانستان کے راستے پاکستان میں دہشت گردی کر رہا ہے،کلبھوشن کی شکل میں بیسیوں ایجنٹس پاکستان میں دہشت گردی کر رہے ہیں ا س حوالے سے امریکہ نے ہمیں یقین دہانی کروائی ہے کہ پاکستان میں بھارتی مداخلت نہیں ہونے دیں گے۔ انہوں نے کہا افغانستان میں امن پاکستان کے امن کا ضامن ہے۔ افغانستان کو دہشت گردوں کی پناہ گاہوں کو ختم کرنا پڑے گا۔ ملا فضل اللہ افغانستان میں پاکستانی سفارت کاروں کے اغوا میں ملوث ہے۔انہوں نے کہا پاکستان کا اب طالبان پر کوئی اثر و رسوخ نہیں، امریکہ ہم سے ایسی امید نہ رکھے جو ہم پوری نہ کر سکیں،امریکہ کے دبا میں نہیں اپنے مفاد میں دہشت گردوں کے خلاف کارروائی کر رہے ہیں۔ انہوں نے کہا کہ امریکا ہم سے ایسی امید نہ رکھے جسے ہم پورا نہیں کرسکتے، افغانستان کو اپنا کردار ادا کرنا ہوگا، افغانستان کا امن پاکستان میں امن کا ضامن ہے۔سیکرٹری خارجہ تہمینہ جنجوعہ نے مزید کہا کہ امریکی دبا میں نہیں بلکہ اپنے مفاد میں دہشتگردوں کیخلاف کارروائی جاری رکھے ہوئے ہیں ۔انہوں نے کہا کہ طالبان سے براہ راست گفتگو کے لیے افغان حکومت اور امریکا کو مکینزم بنانا ہوگا۔
امریکا سے اسٹریٹجک ڈائیلاگ میں ایک چیز پر فوکس نہیں رکھا گیا۔تہمینہ جنجوعہ نے کہا کہ ہمارے امریکا سے 70 سال کے تعلقات ہیں، کچھ اصول ہیں جن پر تعلقات کو آگے بڑھایا جاسکتا ہے، اصولوں کے تحت ضروری ہے کہ ہم اسٹریٹجک ڈائیلاگ کودوبارہ شروع کریں۔سیکریٹری خارجہ نے کہا کہ ہم نے قومی ایکشن پلان کے تحت دہشت گردوں کا خاتمہ کیا ہے۔
