اسلام آباد(مانیٹرنگ ڈیسک)تھانہ گولڑہ کے علاقے سیکٹر ایف بارہ میراجعفر کی کچی آبادی سے بارہ برس کی بچی کو مبینہ طورپرزیادتی کانشانہ بنانے کے بعد گلہ دبا کرقتل کردیاگیا۔معصوم بچی کی نعش کچی آبادی میں واقع ایک خالی جھگی میں پڑی ہوئی چارپائی سے برآمد ہوئی۔ واقعہ کی اطلاع پر پولیس نے بچی کی نعش قبضے میں لے کرپمز ہسپتال کے مردہ خانے میں رکھوادی ہے۔معلوم ہواہے کہ بدھ کے روز چنیوٹ سے تعلق رکھنے والی بارہ سالہ نسرین بی بی ولد محمدعادل کی نعش گلی
نمبرآٹھ کے سامنے سیکٹرایف بارہ میراجعفرکچی آبادی سے برآمد ہوئی۔بچی کی نعش ایک خالی جھگی کے اندرچارپائی پرپڑی ہوئی تھی۔ ڈیوٹی آفیسراے ایس آئی محمدحنیف کے مطابق بچی کے گلے پر زخم کے نشانات موجود ہیں جس سے لگتاہے کہ اسے گلہ دباکر قتل کیاگیاہے۔پولیس ذرائع کایہ بھی کہناہے کہ معصوم بچی کو زیادتی کانشانہ بنانے کے بعد قتل کیاگیاہے۔تاہم پولیس نے مقتولہ کی نعش پوسٹ مارٹم کے لئے پمزہسپتال کے مردہ خانے میں رکھوادی ہے اورتحقیقات شروع کردی ہے۔
