لاہور ( این این آئی) تحریک انصاف کے مرکزی رہنما اعجاز احمد چوہدری نے کہا ہے کہ موجودہ حکمرانوں کا ضمیر مردہ ہو چکا ہے ، ووٹ کے تقدس اور نام نہاد جمہوریت کے چمپئن نے سینٹ کے الیکشن میں ہارس ٹریڈنگ کر کے اپنا اصل چہرہ قوم کے سامنے عیاں کر دیا ہے،ہارس ٹریڈنگ کرنے والوں کے خلاف سخت کروائی کی جائے ۔ ایک بیان میں انہوں نے کہا کہ مہنگائی اور بے روزگاری سمیت دیگر درپیش مسائل نے عوام کو اذیت کا شکار بنا دیا ہے۔
مگر اب پاکستانی قوم بہت باشعور ہو چکی ہے ۔ اب وہ کسی جھانسے نہیں آئیں گے۔ تحریک انصاف موجودہ مافیا کا ڈٹ کر مقابلہ کرے گی ۔ انہوں نے کہا کہ شہباز شریف کے تمام ناکام منصوبے کرپشن کا گڑ ھ ثابت ہو رہے ہے ، قائد اعظم سولر پراجیکٹ میں اربوں روپے کی کرپشن شہباز شریف کو اسکا جواب دینا پڑے گا ، عوام آئندہ الیکشن میں موجودہ چور اور ڈکیت حکمرانوں کا ووٹ کی طاقت سے احتساب کرے گی ، عوام کو لوٹنے والے اپنے انجام کو پہنچنے والے ہیں۔
