ہنگو (آئی این پی) پاکستان تحریک انصاف کے ہنگو سے ممبر صوبائی اسمبلی شاہ فیصل نے سینیٹ انتخابات کے دوران ان پر لگائے گئے ووٹ فروخت کرنے کے الزام کو مسترد کرتے ہوئے کہا کہ میں نے اپنا ووٹ پی ٹی آئی کے نامزد کردہ سینیٹ امیدواروں کو دیا ہے میرے خلاف مخالفین جھوٹا پروپیگنڈہ کر رہے ہیں۔ ان خیالات کا اظہار انہوں نے ہنگو میں اپنے رہائش میں صحافیوں سے بات چیت کرتے ہوئے کیا ۔انہوں نے کہا کہ میں نے

ہمیشہ صوبائی حکومت کو سپورٹ کیا ہے،پاکستان تحریک انصاف کو پسند کرتا ہوں ،میرے خلاف سوشل میڈیا اور پرنٹ میڈیا میں پروپیگنڈہ کیا جا رہا ہے میں ہمیشہ تحریک انصاف کے ساتھ ہی رہونگا ،میں حلفیہ بیان دینے کو تیار ہوں کہ میں نے ووٹ کا غلط استعما ل نہیں کیا ہے ۔انہوں نے کہا کہ میں اپنے ضمیر سے مطمئن ہوں اور ایسے جھوٹے پروپیگنڈوں کی پرواہ نہیں کرتا ۔