اسلام آباد (مانیٹرنگ ڈیسک)پچھلے ہفتے سابق وزیر اعظم نواز شریف اور ان کی بیٹی مریم نوازبلیو ایریا اسلام آباد میں واقع ایک بیکری میں گئے تھے اور وہاں سے شاپنگ کی ۔اس موقع پر وہ  گاہگوں سے بھی گھل مل گئے۔لیکن اس کے بعد سوشل میڈیا پر ایک نوجوان لڑکے کی ویڈیو وائر ل ہوئی جس میں وہ کہہ رہا ہے کہ میں اس بیکری کا ملازم ہوں جہاں نواز شریف اپنی صاحبزادی کے ساتھ آئے تھےاور ان دونوں کے آنے سے پہلے نواز شریف کے پندرہ بیس گارڈ

بیکری میں داخل ہوئے اور تمام ملازموں کو دھکے دے کر باہر نکال دیا۔جب کہ نواز شریف اپنے ساتھ مخصوص لوگ لائے ہوئے تھے جنہیں گاہگ بنا کر پیش کیا گیا۔لیکن اب اس نوجوان کی ایک اور ویڈیو سوشل میڈیا پر وائرل ہو رہی ہے جس میں وہ نواز شریف سے معافی مانگتے ہوئے کہتا ہے کہ میں نے نواز شریف اور بیکری کے مالک کے بارے میں غلط بیانی کی۔میں اس بیکری کا ملازم نہیں ہوں،میرا انٹرویو بھی جھوٹا تھا اس لئے میں نواز شریف سے معافی مانگتا ہوں۔

موضوعات:نوازشریف