لاہور (مانیٹرنگ ڈیسک)سابق وفاقی وزیر قانون اور سینئر قانون دان ایس ایم ظفر نے کہا ہے کہ عدالتیں اپنے فیصلے دلیلوں پردیتی ہیں جبکہ نواز شریف کی نااہلی کے فیصلے میں عدالت کی جانب سے فیصلے میں دلیل کمزور تھی انہوں نے کہا کہ عدالتوں کو اپنے فیصلے دلیل پر دینے چاہیں نہ کہ اپنی صوابدید پر انہوں نے کہا کہ عدالت کی جانب فیصلے میں لکھا گیا ہے کہ
کوئی بھی ایسا قانون جو ایک شخص کو فائدہ دینے کیلئے بنایا جائے اسے ختم کیا جاسکتا ہے یہ بہت ہی کمزور دلیل تھی انہوں نے مزیدکہا کہ اگرآئندہ انتخابات سے قبل سابق وزیراعظم میاں نواز شریف کو نیب عدالت کی طرف سے سزا ہو گئی تو یہ ن لیگ کیلئے بہت بڑا دھچکا ہوگا اور اس فیصلے سے آئندہ الیکشن میں ن لیگ کیلئے کافی مشکلات پیدا ہو سکتی ہیں۔
