اسلام آباد(سی پی پی) سینیٹ کا الوداعی اجلاس(آج)پیر کو تین بجے پارلیمنٹ ہاؤس میں شروع ہو گا ، اجلاس کی صدارت چیئرمین سینیٹ میاں رضا ربانی کریں گے۔ اجلاس میں سینیٹ کے 52 ریٹائرڈ ہونے والے سینیٹرز کی خدمات کو خراج تحسین پیش کیا جائیگا۔ اجلاس جمعہ تک جاری رہے گا۔ چیئرمین سینیٹ میاں رضا ربانی نئے

چیئرمین کے حلف اٹھانے کے بعد سبکدوش ہو جائیں گے۔ قبل ازیں سینیٹ کی ہاؤس بزنس ایڈوائزری کمیٹی کااجلاس پیر کو ایک بجے پارلیمنٹ ہاؤس میں ہوگا۔ اجلاس کی صدارت چیئرمین سینیٹ میاں رضا ربانی کریں گے۔ اجلاس میں سیاسی جماعتوں کے پارٹی کے لیڈر و نمائندے شرکت کریں گے ، سینیٹ کے رواں اجلاس کے ایجنڈے کو حتمی شکل دی جائے گی۔