لاہور (ا ین این آئی) تحریک انصاف کے مرکزی سیکرٹری اطلاعات فواد چوہدری نے کہا ہے کہ درباری افسروں کو بچانے کے لئے قومی احتساب بیورو (نیب ) پر دبائو ڈالا جارہا ہے۔اپنے ایک بیان میں انہوں نے کہا کہ یہ افسر سرکاری وسائل پر ڈاکہ زنی کی منصوبہ بندی کو عملی جامہ پہناتے ہیں ۔

ان درباری افسروں کو بچانے کے لئے نیب پر دبائو ڈالا جارہا ہے۔فواد چوہدری نے کہا کہ نیب کے اقدام سے جسے تکلیف ہے وہ قومی خزانے میں 14 ارب روپے جمع کروائے۔ انہوں نے مطالبہ کیا کہ انصاف کی راہ میں روڑے اٹکانے والوں کے خلاف مقدمہ درج کر کے کارروائی ہونی چاہیے۔