اسلام آباد(مانیٹرنگ ڈیسک)اسلام آباد ہائیکورٹ کے جسٹس شوکت عزیز صدیقی نے نادرا سے 60سال کی عمر پوری ہونے یا ریٹائرمنٹ کے بعد مذہب کا خانہ تبدیل کرنے والے سرکاری ملازمین کا ریکارڈ طلب کر لیا۔ فاضل عدالت نے مذکورہ احکامات الیکشن ایکٹ 2017میں ختم نبوت سے متعلق پرانے قوانین کو حذف کرنے کےخلاف مولانا اللہ وسایا

کی درخواست کی سماعت کے موقع پر گزشتہ روز جاری کئے۔ جمعرات کو فاضل جسٹس نے سماعت کی تو درخواست گزار کی جانب سے حافظ عرفات ایڈووکیٹ پیش ہوئے اور دلائل پیش کرتے ہوئے کہا کہ الیکشن ایکٹ2017گزشتہ سال اکتوبر میں منظور ہوا جس میں قادیانی اور احمدی گروپ سے متعلق پرانے قوانین کو شامل نہیں کیا گیا۔