لاہور (آئی این پی) وزیر قانون وپارلیمانی امور پنجاب رانا ثناء اﷲ نے کہا ہے کہ ہم تمام تر تحفظات کے باوجود عدالتی فیصلوں کا احترام کرتے ہیں‘ قوم پوچھتی ہے کہ کیا نواز شریف کا جرم یہ ہے کہ وہ عوام کے مقبول ترین لیڈر ہیں‘ آئین کے تحت یہ بات طے ہے کہ بنیادی حقوق کو پارلیمنٹ بھی نہیں چھین سکتی۔

جمعہ کو میڈیا سے گفتگو کرتے ہوئے رانا ثناء اﷲ نے کہا کہ قوم پوچھتی ہے کہ نواز شریف نے کونسا ایسا جرم کیا ہے کیا نواز شریف کا جرم یہ ہے کہ وہ عوام کے مقبول لیڈر ہیں۔ ہم تمام تر تحفظات کے باوجود عدالتی فیصلوں کا احترام کرتے ہیں۔ سپریم کورٹ کے اس فیصلے پر بھی عمل کریں گے۔ آئین کے تحت یہ بات طے ہے کہ بنیادی حقوق کو پارلیمنٹ بھی نہیں چھین سکتی۔