پشاور(مانیٹرنگ ڈیسک)پشاور میں نابینا افراد کے صبر کا پیمانہ لبریز ہوگیا ،نابینا افراد اسمبلی کے سامنے چار دن سے جاری احتجاجی کیمپ کے بعد مطالبات کے لیے سڑکوں پر نکل آئے،مظاہرین نے خیبر پختونخوا اسمبلی کے سامنے روڈ کو بند کردیا اورحکومت کے خلاف شدید نعرہ بازی کی۔پشاور میں نابینا افراد کا مطالبات کے حق میں خیبر پختونخوا اسمبلی کے سامنے
احتجاجی کیمپ چوتھے روز بھی جاری ہے،نابینا افراد مطالبات تسلیم نا ہونے پر اسمبلی کے سامنے خیبر روڈ پر نکل آئے اور روڈ کو دونوں اطراف سے ہر قسم کی ٹریفک کے لئے بند کردیا ۔مظاہرین کا کہنا تھا کہ ملازمتوں کے کوٹے میں اضافہ اور سرکاری نوکریاں دی جائیں ،مظاہرین نے کہا کہ جب تک مطالبات تسلیم نہیں ہوتے احتجاجی دھرنا جاری رہے گا ۔
