اسلام آباد (مانیٹرنگ ڈیسک) ہر الیکشن سے پہلے فواد چوہدری پارٹی اور عمران خان سسرال بدلتا ہے، احتساب عدالت میں پیشی کے موقع پر کیپٹن صفدر کی عمران خان اور فواد چوہدری پر سخت تنقید۔تفصیلات کے مطابق احتساب عدالت میں پیشی کے موقع پر سابق وزیراعظم نواز شریف کے داماد کیپٹن صفدر نے سیاسی مخالفین پر سخت تنقید کی۔ احتساب عدالت کے باہر میڈیا سے گفتگو کرتے ہوئے کیپٹن صفدر نے تحریک انصاف کے چیئرمین

عمران خان اور ترجمان فواد چوہدری کو آڑے ہاتھوں لیتے ہوئے کہا کہ ہر الیکشن سے پہلے فواد چوہدری پارٹی اور عمران خان سسرال بدلتا ہے۔ سپریم کورٹ کے انتخابابی اصلاحات ایکٹ 2017کے خلاف درخواستوں پر فیصلے پر ردعمل دیتے ہوئے کیپٹن صفدر کا کہنا تھاکہ لوی تمیزالدین کو انصاف نہ ملا تو اس کے نتیجے میں پاکستان کو نقصان ہوا اور بنگلہ دیش بن گیا ،نواز شریف کے خلاف فیصلے کے بعد ہم ریاست کیلئے دعا گو ہیں۔

موضوعات:کیپٹن صفدر