اسلام آباد (مانیٹرنگ ڈیسک)عمران خان نے وراثت سے ملنے والی زمین بیچ کر پونے 5کروڑ روپے شوکت خانم کینسر ہسپتال کو عطیہ کر دئیے، سینئر تجزیہ کار چوہدری غلام حسین کا چیئرمین تحریک انصاف کو خراج تحسین ۔ تفصیلات کے مطابق نجی ٹی وی پروگرام میں گفتگو کرتے ہوئے سینئر تجزیہ کار چوہدری غلام حسین نے چیئرمین تحریک انصاف عمران خان سے متعلق انکشاف کرتے ہوئے بتایا ہے کہ انہیں ذاتی ذرائع سے معلوم ہوا ہے کہ عمران خان نے وراثت میں ملنے والی زمین جس کی مالیت
پونے 5کروڑ روپے تھی بیچ کر شوکت خانم کینسرہسپتال کو عطیہ کر دی تھی۔ چوہدری غلام حسین کا کہنا تھا کہ عمران خان کی ماہانہ آمدنی چند لاکھ روپے ہے اور انہوں نے وراثت سے ملنے والے اثاثوں کی رقم سے ایک پیسہ بھی اپنے پاس نہیں رکھا اور سارا کا سارا شوکت خانم کینسر ہسپتال کو دیدیا جبکہ دوسری جانب لوگ ملک کا پیسہ لوٹ کر باہر بھیج دیتے ہیں۔ انہوں نے عمران خان کو خراج تحسین پیش کرتے ہوئے کہا کہ ایک عمران خان ہیں جو اپنا پیسہ بھی شوکت خانم کینسر ہسپتال پر لگارہے ہیں۔
