اسلام آباد (مانیٹرنگ ڈیسک) مسلم لیگ ضیاء کے سربراہ اعجاز الحق نے کہا ہے کہ سب جانتے ہیں کہ نااہل ہوکر پارٹی صدر کون بنا‘ یہ بھی سب جانتے ہیں کہ سپریم کورٹ نے چور‘ ڈکیت کے الفاظ کس کے لئے استعمال کئے ہیں۔ جمعہ کے روز نجی ٹی وی سے گفتگو میں مسلم لیگ ضیاء الحق کے سربراہ اعجاز الحق نے کہا ہے کہ سابق وزیراعظم نواز شریف اپنے
خلاف نااہلی کے فیصلے پر تنقید کرتے یا پھر خاموش رہے‘ سب جانتے ہیں کہ چور ڈکیت کے الفاظ کس کے لئے استعمال ہوئے ہیں نواز شریف نے سوچا کہ نااہلی سے بڑھ کر انہیں اور کیا سزا ہوسکتی ہے۔ کون ہے جو سپریم کورٹ کورٹ سے نااہل ہوکر پارٹی صدر بنا‘ اگر نواز شریف پارٹی صدارت سے ہٹنے کا فیصلہ آیا تو سینیٹ انتخابات بھی آگے بڑھانے پڑیں گے۔
