صوابی (این این آئی ) تحصیل ٹوپی کے علاقے گنی کوٹ (گدون) میں سفاک شوہر نے گھریلو ناچاقی پر اپنی بیوی کو بے دردی سے قتل کرکے لاش کو صحن میں دفنادیا، پولیس تھانہ اُتلہ کے مطابق تاجبر خان نے اپنی بیوی کا سر تن سے جدا کرکے اس کے جسم ٹکڑے ٹکڑے کردئیے اور بعد میں اسے صحن میں

دفنادیا ،18 گھنٹے گزرنے کے بعد لاش کو صحن سے برآمد کرلیا ،لاش کو پولیس نے پوسٹ مارٹم کیلئے ٹوپی ہسپتال منتقل کردیا گیا ،ملزم ارتکاب جُرم کے بعد فرار ہونے میں کامیاب ہوگئے ،مقتولہ پانچ بچوں کی ماں تھیں ،پولیس نے ملزم کے خلاف ایف آئی آر درج کرکے تفتیش شروع کردی ہے ۔