اسلام آباد(مانیٹرنگ ڈیسک)کمر درد کے باعث شاہ زیب قتل کیس کے مرکزی ملزم شاہ رخ جتوئی کو ہسپتال منتقل کر دیا گیا۔نجی ٹی وی کے مطابق شاہ زیب قتل کیس کے مرکزی ملزم شاہ رخ جتوئی کوکمر میں درد کے باعث جناح ہسپتال منتقل کر دیا گیا ہے۔ذرائع کے مطابق ہسپتال میں شاہ رخ جتوئی کے مختلف ٹیسٹ
لئے جائیں گے۔میڈیکل رپورٹ آنے کے بعد شاہ رخ جتوئی کو ہسپتال میں زیر علاج رکھنے یا جیل منتقل کرنے کا فیصلہ ہو گا۔جیل انتظامیہ نے شاہ رخ جتوئی کو ہسپتال منتقل کرنے کی سفارش کی تھی۔واضح رہے کہ شاہ رخ جتوئی پر شاہ زیب کو قتل کرنے کا الزام ہے۔معاملہ اس وقت سپریم کورٹ میں زیر سماعت ہے۔
