لاہور(سی پی پی)تحریک انصاف کے چیئرمین عمران خان کی سابقہ اہلیہ نے کہا ہے کہ عمران خان سے شادی کرنا میری بڑی غلطی تھی ،میں پٹھان ہوں اور پٹھانوں کو ایک دو غلطیاں معاف ہوتی ہیں ۔یہ دلچسپ باتیں ریحام خان نے ایک غیر ملکی ٹی وی کو دیئے گئے انٹرویو میں کہیں۔انٹرویو کے دوران ٹی وی کے اینکر نے ریحام خان سے سوال کیا کہ عمران خان میں ایسا کیا تھا جو آپ نے پسند کی شادی کرلی؟

جس پر ریحام کا کہنا تھا کہ میں نے عمران خان سے نہیں بلکہ ایک نظریہ سے شادی کی تھی۔عمران خان سے میری شادی پسند کی نہیں تھی بلکہ یہ ارینج میرج تھی۔ریحام خان نے مسکراتے ہوئے کہا کہ میں پٹھان ہوں تو پٹھانوں کو ایک دو غلطیاں کرنے کی اجازت تو ہوتی ہے عمران خان سے شادی میری زندگی کی بڑی غلطی تھی۔ریحام خان نے کہا کہ میں کام میں بہت سمجھداری سے کام لیتی ہوں لیکن اس معاملے میں جس نے بھی رشتہ ڈالا میں نے قبول کر لیا لیکن ان سے میری پسند کی شادی نہیں تھی۔

موضوعات:ریحام