اسلام آباد (مانیٹرنگ ڈیسک)زینب قتل کیس میں گرفتار ملزم عمران کا جسمانی ریمانڈ ختم ،عدالت میں پیش کردیا گیا ، قتل کیس کی آئندہ سماعت جیل میں کرنے کا حکم جاری،نجی ٹی وی کے مطابق آج قصور میں ننھی زینب کے قتل میں ملوث ملزم عمرا ن علی کو تین روزہ جسمانی ریمانڈ ختم ہونے پر انسداد دہشت گردی کی عدالت میں پیش کیا گیا۔پراسیکیوٹر جنرل پنجاب نے اس کیس کی رپورٹ عدالت میں جمع کروا دی ۔جس کے بعد ملزم عمران علی

کا ٹرائل جیل میں کرنے کا فیصلہ کیا گیا ہے۔اور کہا گیا کہ ہے زینب قتل کیس کی آئندہ سماعت جیل میں ہو گی۔واضح رہے کہ قصور واقعہ میں ملوث ملزم عمران علی زینب سمیت 8اور بچیوں کے قتل میں بھی ملوث نکلا تھا۔ملزم نے تفتیش کے دوران اس بات کا اعتراف کیا کہ اس نے زینب کے علاوہ بھی بچیوں کو اغوا ، اس کے بعد قتل کیا۔ملزم عمران علی بچیوں کو چیزیں دے کر بہلاتا تھا اور پھر اغوا کرنے کے بعد زیادتی کا نشانہ بناتا تھا،مقدمہ سپریم کورٹ میں بھی زیر سماعت ہے۔