اسلام آباد(مانیٹرنگ ڈیسک)مردان میں ننھی اسما کے بعد اب صوابی میں بھی ایک اور افسوسناک واقعہ سامنے آگیا، پانچ سالہ بچی کیساتھ جنسی زیادتی، پولیس نے بچی کے باپ کی شکایت پر ملزم کو گرفتار کر لیا۔ تفصیلات کے مطابق صوابی کےعلاقے یار حسین میں پانچ سالہ بچی کیساتھ جنسی زیادتی کا واقعہ سامنے آیا ہے ۔ پولیس نے بچی کے باپ کی شکایت پر ملزم کو گرفتار کر لیا ہے۔ ملزم کی عمر 16سال بتائی جاتی ہے۔ پولیس کی جانب سے درج کی گئی ایف آئی آر کے مطابق پانچ سالہ بچی کو کھیتوں میں

جنسی زیادتی کا نشانہ بنایا گیا ہے۔ جنسی زیادتی کے بعد ملزم نے بچی کو دھمکی دیتے ہوئے واقعہ سے متعلق کسی کو نہ بتانے کا کہا تھا۔ پولیس نے بچی کے باپ کی شکایت پر فوری طور پر بچی کو طبی معائنے کیلئے ہسپتال پہنچایا جہاں اس کا میڈیکل کیا گیا ہے جس کی رپورٹ ابھی آنا باقی ہے۔ گزشتہ روز پولیس نے ملزم کو بچی اور اس کے والد کی نشاندہی پر گرفتار کرلیا تھا۔ ملزم کی عمر 16سال بتائی جاتی ہے۔  پولیس نے مقامی عدالت میں ملزم کو پیش کر کے اس کا جسمانی ریمانڈ حاصل کر لیا ہے۔

موضوعات:5سالہ بچی جنسی زیادتی صوابی