اسلام آباد(مانیٹرنگ ڈیسک) فیصل آباد میں کپڑوں کے معروف برانڈ لیوائس کی دکان کے چینج روم میں خفیہ کیمرے لگنے کا انکشاف۔ نجی ٹی وی کے مطابق فیصل آباد میں معروف برانڈ لیوائس کی دکان میں خفیہ کیمرے لگائے جانے کا انکشاف ہوا ہے ۔ ملازمین خفیہ کیمرے لگا کر گاہکوں کی غیر اخلاقی اور برہنہ ویڈیوز بناتے تھے۔ دکان کے 4 ملازمین کو حراست میں لے کر ان کے خلاف مقدمہ درج کر لیا گیاہے ۔ مقدمے میں شہریوں سے موبائل فون چھیننے اور انہیں دھمکیاں دینے کی دفعات

شامل کی گئی ہیں۔رپورٹ کے مطابق چینج  روم میں خفیہ  کیمرے کا انکشاف اس وقت ہوا جب ایک شہری چینج روم میں کپڑے تبدیل کرنے گیا تو وہاں ایک مشکوک ڈبہ دیکھا جس میں سے کیمرے کا لینز نظر آرہا تھا ۔ شہری نے اس کی تصاویر لے کر مینیجر کو شکایت کی تو اس نے شکایت پر کان دھرنے کی بجائے شہری کا موبائل چھین کر اس میں سے تصاویر ڈیلیٹ کرنے کی کوشش کی جس پر شہری نے پولیس کو بلا لیا۔کمپنی کی طرف سے ابھی تک کوئی موقف سامنے نہیں آسکا۔