اسلام آباد(مانیٹرنگ ڈیسک)قصور میں زیادتی کے بعد قتل ہونے والی زینب کے قاتل ملزم عمران کو سر عام سزائے موت دینے کے معاملے پر اسلامی نظریاتی کونسل سے شرعی رائے طلب۔نجی ٹی وی کے مطابق سینٹ میں زینب کے قاتل عمران علی کو سرعام سزائے موت دینے کے لئے پیپلز پارٹی کے سینیٹر رحمان ملک نے بل پیش کیا ہے۔ سینٹ سیکرٹریٹ نے عمران کو سر عام سزائے موت دینے
کے مسئلے پر اسلامی نظریاتی کونسل سے شرعی رائے مانگ لی ہے۔اسلامی نظریاتی کونسل نے معاملے پر غور کرنے کے لیے اجلاس آج طلب کر لیا ہے جو کہ کچھ دیر بعد ہوگا جس میں سرعام سزائے موت پر اسلامی احکامات کا جائزہ لیا جائے گا۔یادرہے کہ گزشتہ ماہ قصور میں زینب کو اغوا اور زیادتی کا نشانہ بنانے کے بعد قتل کردیا گیا تھا۔ بچی کا قاتل عمران علی اس وقت جسمانی ریمانڈ پر ہے۔
