اسلام آباد(آئی این پی)پاکستان تحریک انصاف کے ترجمان فواد چوہدری نے کہا ہے کہ نواز شریف کشمیر کی وزارت عظمیٰ کے خواب دیکھنے لگ گئے ہیں،شرم کی بات ہے کشمیریوں سے اظہار یکجہتی کے بجائے نواز شریف نے اپنا ہی رونا رویا،نااہلی نواز شریف کیلئے نفسیاتی عارضے کا سبب بن گئی،مقام عبرت ہے کہ ابھی حکومت اپنی ہی ہےلیکن نواز شریف در بدر ہیں،
نواز شریف سے پوچھیں پچھلے دس سال میں کتنے کشمیری بھارتی مظالم کی بھینٹ چڑھ گئے، انہوں نہیں پتا ہوگا۔پیر کو سابق وزیر اعظم نواز شریف کے مظفر آباد میں جلسے سے خطاب کر ردعمل کا اظہار کرتے ہوئے تحریک انصاف کے ترجمان فواد چوہدری نے کہا کہ نواز شریف سے پوچھیں پچھلے دس سال میں کتنے کشمیری بھارتی مظالم کی بھینٹ چڑھ گئے، انہوں نہیں پتا ہوگا،ہر دس کشمیریوں پر ایک بھارتی فوجی مسلط ہے،کشمیر بھارتی فوج کے شدید شکنجے میں ہے۔ فواد چوہدری نے کہا کہ شرم کی بات ہے کہ کشمیریوں سے اظہار یکجہتی کے بجائے آج بھی نواز شریف نے اپنا ہی رونا رویا،نااہلی نواز شریف کے لیئے نفسیاتی عارضے کا سبب بن گئی،نواز شریف کشمیر کی وزارت عظمیٰ کے خواب دیکھنے لگ گئے ہیں،نواز شریف صاحب ! سن تو سہی جہاں میں ہے ترا فسانہ کیا، کہتی ہے تجھ کو خلق خدا غائبانہ کیا۔ انہوں نے کہا کہ آپ کے خلاف لندن میں بھی تحقیقات شروع ہو گئی ہیں،لندن تحقیقات کی قصوروار بھی عدلیہ کو ٹھہرائیں گے،یا ان تحقیقات کے خلاف نواز شریف لندن میں احتجاج کریں گے،مقام عبرت ہے کہ ابھی حکومت اپنی ہی ہے لیکن نواز شریف در بدر ہیں۔(رڈ)
