کوئٹہ(این این آئی)ضلع پشین میں سیکیورٹی فورسز کی جانب سے کیے گئے آپریشن کے دوران 12 مشتبہ افراد کو حراست میں لیا، جن میں افغانستان کی خفیہ ایجنسی نیشنل ڈائریکٹریٹ آف سیکیورٹی (این ڈی ایس) کے 4 اہلکار بھی شامل ہیں۔نجی ٹی وی نے سیکیورٹی حکام کے حوالے سے اپنی رپورٹ میں بتایا کہ لیویز اہلکاروں نے پشین

کے علاقے سرخاب میں قائم سرخاب افغان کیمپ اور اس سے ملحقہ علاقوں میں سرچ آپریشن کیا تھا۔لیویز حکام نے بتایا کہ آپریشن کے دوران مبینہ طور پر این ڈی ایس کے 4 اہلکاروں کو گرفتار کیا گیا جن کے قبضے سے افغان پاسپورٹ بھی برآمد کیے گئے ہیں۔حکام نے کہا کہ گرفتار افراد کو تفتیش کیلئے نامعلوم مقام پر منتقل کردیا گیا ہے۔