پشاور (مانیٹرنگ ڈیسک) پاکستان مسلم لیگ (ن) کے صدر ٗسابق وزیر اعظم محمد نواز شریف اور ان کی بیٹی مریم نواز کی پشاور میں جلسہ گاہ آمد پر پنڈال فلک شگاف نعروں سے گونج اٹھا جبکہ سابق وزیر اعظم نواز شریف کی صاحبزادی مریم نواز نے بھی پہلی مرتبہ پشاور میں جلسہ سے خطاب کیا۔اتوار کو پشاور میں میاں نواز شریف کے جلسہ سے خطاب کے موقع پر کارکنوں کی بڑی تعداد موجود تھی، کارکنوں

کا جوش اور ولولہ بڑھانے کیلئے پارٹی ترانے بجائے گئے ، پنڈال شیر آیا کے نعروں سے گونج رہا تھا، پارٹی قائدین پر پھولوں کی بتیاں نچھاور کی گئیں ۔ نواز شریف کی صاحبزادی مریم نواز نے بھی پہلی مرتبہ پشاور مین جلسہ سے خطاب کیا قبل ازیں پاکستان مسلم لیگ نواز کے مرکزی رہنما امیر مقام کے گھر پہنچنے پر سابق وزیر اعظم نواز شریف اور ان کی صاحبزادی مریم نواز کا شاندار استقبال کیا گیا ۔

موضوعات:مریم نواز