لاہور(مانیٹرنگ ڈیسک) وزیراعلیٰ پنجاب محمد شہباز شریف سے آج یہاں مشاہد حسین سید نے ملاقات کی ،جس میں مختلف قومی،سیاسی معاملات اورباہمی دلچسپی کے دیگر امور پر تبادلہ خیال کیاگیا ۔وزیراعلیٰ محمد شہبازشریف نے مشاہد حسین سیدکی پاکستان مسلم لیگ(ن) میں شمولیت پر خیرمقدم کرتے ہوئے کہا کہ مشاہد حسین سید

کا پاکستان مسلم لیگ(ن) کی قیادت پر اظہار اعتماد اس امر کا ثبوت ہے کہ پاکستان مسلم لیگ(ن) ہی عوام کی حقیقی نمائندہ جماعت ہے ۔ مسلم لیگ(ن) نے عوام کی بھر پور خدمت کر کے لوگوں کے دل جیت لئے۔انہوں نے کہا کہ2018ء کے الیکشن میں پاکستان مسلم لیگ (ن) انشاء اللہ زیادہ اکثریت سے جیتے گی۔