خضدار (مانیٹرنگ ڈیسک) بلوچستان کے ضلع خضدار کی تحصیل وڈھ کے قریب قومی شاہراہ پردراکہالہ کے مقام پرسابق صوبائی وزیرغزالہ گل کی گاڑی حادثہ کا شکار ہو گئی جس کے نتیجے میں وہ زخمی ہوگئی جس کو ہسپتال منتقل کردیاگیا۔تفصیلات کے مطابق ہفتے کوپاکستان پیپلز پارٹی کی مرکزی رہنما سابق صوبائی وزیر محترمہ غزالہ گل اپنی کار میں کراچی
سیکوئٹہ جا رہی تھیں کہ وڈھ کے قریب دراکھالہ کے مقام پر ان کی کار حاثہ کا شکار ہوئی جس کے نتیجے میں محترمہ غزالہ گل زخمی ہوئیں واقع کی اطلاع ملتے ہی خضدار میں پیپلز پارٹی کے عہدیداران ٹیچنگ اسپتال پہنچے ڈاکٹروں انہیں ابتدائی طبی امداد کے بعد فارغ کردیاڈاکٹروں کے مطابق محترمہ غزالہ گل کی حالت خطرے سے باہر اور حالت تسلی بخش ہے۔
