لاہور ( این این آئی) لاہور ہائیکورٹ میں سابق وزیر اعظم نواز شریف ، انکی صاحبزادی مریم نواز ، وفاقی وزیر خواجہ سعد رفیق ، وزیر مملکت مریم اورنگزیب ،اور دیگر وزراء کی عدلیہ مخالف تقاریر کے خلاف متفرق درخواست دائر کر دی گئی ۔ ایکٹویزم پینل کے سربراہ اظہر صدیق کی طرف سے دائر درخواست میں کہا گیا ہے کہ نواز شریف اور
مریم نواز نے پھر عدلیہ مخالف تقاریر کیں ،سپریم کورٹ سے نااہلی کے بعد نواز شریف اور مریم نواز مسلسل عدلیہ مخالف تقاریر کر رہے ہیں ، اس کے ساتھ مریم اورنگزیب ، خواجہ سعد رفیق سمیت وزراء بھی عدلیہ کو تنقید کا نشانہ بنا رہے ہیں ۔ معزز عدالت سے استدعا ہے کہ نواز شریف مریم نواز اور دیگر کے خلاف توہین عدالت کی کارروائی کا حکم دیا جائے۔
