اسلام آباد(مانیٹرنگ ڈیسک)پی سی او کے تحت حلف اٹھانے والے ججز کو بدترین قرار دینے کی قرارداد منظور کی جائے، محمود خان اچکزئی کا مطالبہ۔ تفصیلات کے مطابق محمود خان اچکزئی نے مطالبہ کیا ہے کہ پی سی او کے تحت حلف اٹھانے والے ججز کو بدترین قرار دینے کی قرارداد منظور کی جائے۔ محمود خان اچکزئی کا یہ بیان اس وقت سامنے آیا ہے جب سپریم کورٹ توہین عدالت کیس میں
ن لیگ کے رہنما سابق سینیٹر نہال ہاشمی کو ایک ماہ قید اور 50ہزار جرمانے کی سزا سنا چکی ہے جبکہ ن لیگ کے دو وفاقی وزرا وفاقی وزیر برائے نجکاری دانیال عزیز اور وزیر مملکت برائے داخلہ طلال چوہدری کو توہین عدالت کا نوٹس جاری کر چکی ہے۔ محمود خان اچکزئی کا کہنا تھا کہ پی سی او ججز کو بدترین قرار دینے کی قراردادکے ساتھ آئین توڑنے والوں کے خلاف بھی قرارداد لائی جائے۔
