اسلام آباد (مانیٹرنگ ڈیسک) پاکستان پیپلز پارٹی کے سینیٹر حاجی سیف اللہ بنگش حرکت قلب بند ہوجانے کی وجہ سے انتقال کرگئے، مرحوم سینیٹرحاجی سیف اللہ بنگش نجی ہسپتال میں زیر علاج تھے مگر وہ جانبر نہ ہو سکے ان کی وفات پر چیئرمین سینیٹ میاں رضا ربانی، ڈپٹی چیئر مین سینیٹ مولانا عبدالغفور حیدری ،سینٹ میں قائد حزب اختلاف چوہدری اعتزاز احسن
اورقائدایوان سینیٹ سینیٹر راجہ محمد ظفرالحق نے اپنے گہرے دکھ اور افسوس کا اظہار کرتے ہوئے کہا کہ اللہ تعالی انہیں اپنی جوار رحمت میں جگہ عطا فرمائیں، ان لوگوں نے مرحوم سینیٹر حاجی سیف اللہ بنگش کے اہل خانہ کے لیے صبر کی دعا کی ، سینیٹر رضا ربانی نے کہا کہ حاجی سیف اللہ بنگش کی قانون سازی کے حوالے سے خدمات کویاد رکھا جائے گا ۔
